Қазан қаласында « аспан тракторы» деп аталатын агродрон сынақтан өтіп, көпшілікті таңғалдырды. Кәдімгі доңғалақты техникалар батпаққа батып жүре алмай жатқанда, бұл дрон жаңбырдан кейін де еркін ұшып, егістікті емін-еркін өңдей береді.
150 килоға дейін салмақты көтеретін алып құрылғы сағатына 70 шақырымға дейін жүйткиді. Ал жұмыс режімінде
25–35 км/сағ жылдамдықпен ұшып, бір мезетте 20 метрден астам алқапты қамтиды. Небәрі бір ауысымда 600 гектар жерді өңдеу мүмкіндігі бар. Инженерлердің айтуынша, дрон дәстүрлі техникадан 8–10 есе өнімді. Сондай-ақ ол тыңайтқыш пен дәріні 15-20 пайызға дейін үнемдейді, ал ойлы-қырлы жерлерде шығынды 40 пайызға дейін азайтады.
