2025 жылғы 7 тамызда Қазақстанда 2025-2026 оқу жылына арналған мемлекеттік білім беру гранттарының иегерлері тізімі жарияланды. Сол күні еліміздің түкпір-түкпіріндегі мыңдаған түлек нәтижелерін тексеріп, қуаныштарын әлеуметтік желілерде бөлісті, деп хабарлайды Zakon.kz.
Желіде тараған видеоларда жасөспірімдер көз жасын әрең ұстап, ата-аналарын құшақтап, қуанышын жасыра алмай жатыр. Үлкендер де өз эмоциясын бүге қоймаған.
Посмотреть эту публикацию в Instagram
Публикация от СМИ zakon.kz (@zakon.kz)
Әсіресе, ата-аналар, әжелер мен аталар түлектермен бірге тізімді тексеріп жатқан сәттері ерекше әсерлі көрінеді. Көпшілігі жылап, күліп, мақтаныш пен алғыс сезімін білдіріп жатыр.
Бұған дейін Ғылым және жоғары білім министрі Саясат Нұрбек 2025-2026 оқу жылына арналған грант иегерлерінің тізімі жарияланған соң, талапкерлер мен ата-аналарға үндеу жасаған еді.
