22 тамызда рейтингілік агенттік S&P Қазақстан Республикасының егемендік кредиттік рейтингі аясындағы болжамын «Тұрақты»-дан «Позитивті»-ге көтеріп, рейтингті «BBB-» деңгейінде растады, деп хабарлайды Zakon.kz.
S&P атап өтеді, Қазақстанның сыртқы нетто-кредитор ретіндегі ұстанымы төмен сыртқы қарыз деңгейі және халықаралық резервтер мен Ұлттық қор активтерінің елеулі көлемі есебінен берік болып отыр. Бұл туралы елдің Ұлттық экономика министрлігінің баспасөз қызметі мәлімдеді.
«Болжамның жақсаруы сондай-ақ экономиканы ырықтандыру және әртараптандыру бойынша жүргізіліп жатқан реформалармен байланысты», – делінген есепте.
Сарапшылардың айтуынша, Ұлттық инфрақұрылымдық жоспарды және экономиканы жаңғыртуға бағытталған басқа да шараларды іске асыру мұнай табысына тәуелділікті біртіндеп төмендетуге және мұнайдан тыс кірістердің артуына ықпал етеді.
«Агенттіктің шешімі жаңа Бюджет және Салық кодекстерін қабылдауды қоса алғанда, елдің институционалдық және экономикалық реформаларды жүзеге асырудағы тұрақты ілгерілеуін көрсетеді», – делінген хабарламада.
Сондай-ақ үкімет келесі бағыттарды қамтитын кең ауқымды институционалдық және әлеуметтік реформалар бағдарламасын іске асырып жатыр:
• сыбайлас жемқорлыққа қарсы іс-қимыл;
• басқаруды орталықсыздандыру және ашықтықты арттыру.
Сарапшылардың пікірінше, бұл қадамдар әлеуметтік құрылымды нығайтты және реформалар бағытына қатысты кең қоғамдық консенсусты көрсетеді.
«Агенттік екінші реттік санкциялар салыну қаупін төмен деп бағалайды», – деп хабарлады министрліктің баспасөз қызметі.
