Қазіргі таңда Қытайдың Цзянмэнь қаласында волейболдан жастар арасында әлем чемпионаты өтіп жатыр, деп хабарлайды Zakon.kz.
Әлем чемпионатында өнер көрсетіп жатқан Қазақстан ерлер құрамасы бірнеше күн бұрын 1/8 финалда Францияға жол берді.
Ұлттық құрама қазір 9-16 орындар үшін күресіп жатыр. Алғашқы матчта қазақстандықтар Болгарияға есе жіберді. Кездесу 3:2 есебімен қарсыластардың пайдасына аяқталды.
Осылайша, енді қазақстандық волейболшылар 13-16 орындар үшін сынға түседі.
