Құтқарушылар Шиелі ауданында жаңа туған нәрестені шұғыл түрде Қызылорда қаласының ауруханасына жеткізді. ТЖМ қызметкерлері әр минут маңызды екенін ескеріп, сәбиді тікұшақпен алып кетті, деп ТЖМ баспасөз қызметіне сілтеме жасаған KAZ.NUR.KZ.
Ведомствоның Telegram-каналындағы ақпаратқа сәйкес, "Қазавиақұтқару" АҚ құтқарушылары өңір тұрғындарына шұғыл жағдайда көмек көрсетті. ТЖМ әуе кемесінің экипажы Шиелі ауданынан Қызылорда қаласына жаңа туылған сәбиді эвакуациялады.
"Жаңа туылған сәбиді шұғыл ауруханаға жеткізу қажет болды. Медициналық бригаданың ұшқыштары Назель Нұрғалиева мен Расұлбек Ахметовтің үйлесімді жұмысының арқасында жаңа туылған сәби қауіпсіз және жылдам медициналық мекемеге жеткізілді", — делінген министрлік хабарламасында.
Ауруханада нәрестеге қажетті көмек көрсетілді.
Мәтіннен қате тапсаңыз, бізге жазыңыз
