Ресей Федерациясының сыртқы істер министрлігі 2024 жылдың желтоқсанында Ақтау маңында AZAL ұшағының апатқа ұшырауына байланысты төленетін сақтандыру өтемақысына қатысты мәлімдеме жасады. Бұл туралы KAZ.NUR.KZ хабарлайды.
Ресейлік СІМ-ның хабарлауынша, БАҚ беттері мен Telegram-каналдарда 2024 жылы 25 желтоқсанда болған Ақтау маңындағы ұшақ апатына байланысты сақтандыру өтемақысының төленбеуі туралы ақпарат тараған.
"Көпшіліктің әсерін шығарып, қайғылы жағдайды өз пайдасына қолдануға бағытталған кезекті іске тап болдық. Бұл жағдай шындыққа жанаспайды. Бұл жалған", — деп мәлімдеді министрлік өкілдері.
Ресейдің сыртқы істер министрлігі жергілікті сақтандыру компаниясы 2025 жылдың ақпанын бастап, өтемақыларды төлеп бастағанын хабарлады. Ведомствоның ақпаратына сәйкес, қазіргі уақытта ұшақтың толық сақтандыру бағасы өтелді.
"Рейстегі 62 жолаушының ішінен 46-сының жарақат пен өлімге байланысты талаптары орындалды. Ресейдің 15 азаматының 7-не, Әзербайжанның 38 азаматының 35-не, Қырғызстанның үш азаматына, Қазақстанның 6 азаматының біреуіне өтемақы толық көлемде берілді.
Бүгінде ұшақ апатында жарақат алған және қаза тапқан жолаушылардың отбасыларына 358,4 млн рубль көлемінде сақтандыру өтемақысы төленді. Жарақаттанғандар мен құрбандардың жақындарымен мәселені толық шешу мақсатында өтемақының мөлшерін келісу бойынша жұмыстар жүргізіліп жатыр", — делінген хабарламада.
Мәтіннен қате тапсаңыз, бізге жазыңыз
