Таиландта 677 қашқын-алаяқ ұсталды.
Олар Мьянмадағы атышулы "KK Park" кибералаяқтар бірлестігінің мүшесі. Мьявади қаласында орналасқан киберқылмыс орталығы адам сатумен айналысқан. Куәгерлердің айтуынша, шағын қала ретінде ұйымдастырылған кешенде жеке мейрамханалар, жабық дүкендер, спа мен массаж салондары, сондай-ақ ойын-сауық орындары, тіпті казино да бар. Әскерилер жасаған рейдтен кейін жүздеген адам Таиландқа қарай қашты. Ұсталғандардың 618-і ер адам, 59-ы әйел. Арасында Үндістан, Қытай, Вьетнам, Пәкістан мен Индонезия азаматтары бар. Қазір аталған іс бойынша тергеу жүріп жатыр.
